環境差 – 幾十年冇裝修過！

地方污糟 – 千萬唔好去洗手間！碗筷又唔乾淨！
冇冷氣 – 只靠天花板上的風扇，夏天點算？
人多 – 要等位、要搭檯！
食物份量少 – 細細碗、十幾廿蚊！
食物選擇少 – 來來去去豬手、牛丸、牛腩！
服務態度差 – 冇人理你、自已攪掂！辣油不設外賣之餘，連買外賣粉麵要求多要一些也不行。
營業不定時 – 有時開、有時唔開、豬手賣哂就早的收！食唔食到睇彩數！

不過……………

呢碗剩豬手唔會太軟，有咬口，肉味夠，加上秘制辣椒油，一流！

呢碗牛丸(牛肉圓？)米，有不一樣的牛丸味道，只此一家。湯是清淡的豬骨湯，米粉吸了湯汁，特別能吃出豬骨湯的美味。

呢碗牛腩河都好正，牛腩是柱侯牛腩，牛肉味凸出，又不太腍，味道亦剛剛好！個樣好靚！食落重正！

所以………..

群記牛肉圓豬手
地址: 粉嶺聯和墟聯昌街5號豐景樓地下 (近聯和道) (投注站隔離)
推介: 豬手、牛丸、牛腩、辣椒醬。